Pasi u zbatua me sukses faza e mëparshme, në të cilën e zgjeruam Programin e Vizitave në Shtëpi në të gjitha qytetet e Kosovës, tani po ecim përpara dhe po arrijmë edhe më shumë synimet e misionit tonë.

Sot kemi nënshkruar marrëveshjen për zbatimin e fazës së radhës të projektit. Nëpërmjet kësaj faze të re të projektit, ne do të arrijmë mijëra gra dhe fëmijë në shtëpitë e tyre, në të gjithë vendin, falë ofruesve të kujdesit shëndetësor të përkushtuar dhe të trajnuar mirë.

Përveç kësaj, qindra ofrues të kujdesit shëndetësor, punonjës socialë dhe menaxherë të institucioneve të kujdesit shëndetësor do të përfitojnë gjithashtu nga trajnimi gjithëpërfshirës për ngritjen e kapaciteteve të planifikuara gjatë gjithë vitit. Kjo do t’i fuqizojë ata që të ofrojnë kujdes dhe mbështetje edhe më të mirë për komunitetet të cilave u shërbejnë.

I shprehim mirënjohjen tonë më të thellë UNICEF-it për bashkëpunimin e tyre të vazhdueshëm dhe besimin e palëkundur në organizatën tonë. Ata janë partneri ynë strategjik që nga viti 2019, duke ndarë të njëjtat synime për përmirësimin e shëndetit dhe mirëqenies së nënave dhe fëmijëve. Së bashku, ne po bëjmë një ndryshim të vërtetë në jetën e familjeve në mbarë Kosovën.

Gjithashtu, dëshirojmë të shprehim mirënjohjen tonë të përzemërt për Ministrinë e Shëndetësisë dhe të gjitha komunat për bashkëpunimin dhe mbështetjen e paçmuar në realizimin e këtij programi.

Së bashku, ne mund të krijojmë një të ardhme më të ndritshme për çdo fëmijë dhe nënë në Kosovë!

Programi i Vizitave në Shtëpi është program i cili udhëhiqet Ministria e Shëndetësisë dhe mbështetet nga Unicef Kosovo Programme në partneritet me Aksionin për Nëna dhe Fëmijë, me përkrahjen e Qeverisë së Luksemburgut.