Fondacioni nga Kosova organizon mbrëmjen bamirëse ‘Shpëto Jetë’ në Hotel Marriott, Cyrih

10.05.2019

7 Maj,2019

Vetëm 3 ditë na ndajnë nga mbrëmja e bamirësisë e ‘Shpëto Jetë’ organizuar nga fondacioni nga Kosova ‘Action for Mothers and Children’ në qytetin e Cyrihut, në Hotel Marriott, më 10 maj 2019, duke filluar prej orës 19:00.

Këtë vit, mbrëmja do të ketë një pikë artistike nga Soprano Learta Jakupi, ndërsa përgjatë mbrëmjes do të performojë bendi nga Prishtina ‘String String’, të cilët gjithmonë krijojnë një atmosferë të mrekullueshme. Mbrëmja do të ketë fjalime rasti, një koktel dhe ankand të qetë. Qëllimi kryesor mbetet ngritja e fondeve për nënat dhe fëmijët në Kosovë, rrjetëzimi dhe shkëmbimi I njohurive dhe ekspertizave për një punë sa më të mirë.

Kjo mbrëmje bëhet e mundur falë kontributit dhe mbështetjes të bashkorganizatorëve: Dr. med. Agron Abrashi, Prof. Dr. med. Dr. h. c. Omer Dzemali, si dhe Sevdail Tahiri.

Donatorët dhe sponzorët e mbrëmjes janë të shumtë, ndërsa më shumë po lajmërohen dita ditës: Albinfo.ch, Telegrafi, Vali Ranch, Neosana AG, Fondacioni ‘Unë e Du Kosovën’, ProCredit Banka Kosova, Eurokoha, Limani Immo, Natursteine Wüst AG Wallisellen, Arztpraxis Dr. med. Shemsi Bakiu, Dhe by Granita, Flexiprint.ch, Rromir Imami, Campbell Marson Eyewear, Trembelat, mirëpo thirrja për donatorë dhe sponzorë të mbrëmjes humanitare mbetet ende e hapur.

Nxitoni të merrni biletën tuaj për të qenë pjesë e kësaj mbrëmje bamirëse përmes platformës Jamatu duke klikuar në linkun http://bit.ly/2OvBN3l.

Të gjitha shitjet e biletave do të financojnë programet e Fondacionit në Kosovë, specifikisht në: furnizimin me pajisje mjekësore dhe medikamente, zhvillimin e sistemit të transportit neonatal dhe zgjerimin e Qendrave Informuese për Shëndetin e Gruas ‘Klasat për Nëna‘.