Ky program zbatohet në Dhomat për Promovim dhe Edukim Shëndetësor të Qendrave të Mjeksisë Familjare në mbarë Kosovën. Udhëhiqet nga Ministria e Shëndetësisë dhe implementohet nga AMC-ja me mbështetje financiare të UNICEF-it dhe Qeverisë së Luksemburgut. Programi synon të mbështesë prindërit (nënat dhe baballarët) të fëmijëve të moshës 0–17 muaj përmes sesioneve mujore edukative në grup. Temat e trajtuara përfshijnë: zhvillimin e fëmijës, prindërimin pozitiv, sigurinë, ushqimin, vaksinimin dhe komunikimin. Sesionet zhvillohen në grupe të vogla prej pesë deri në gjashtë prindër me fëmijët e tyre, duke krijuar një hapësirë të hapur për diskutim dhe ndarje përvojash. Prindërit marrin këshilla praktike dhe informacione të bazuara në evidencë nga profesionistë të trajnuar shëndetësorë.
Fuqizojmë gratë dhe mbështesim fëmijët për një Kosovë më të shëndetshme.