Çmimet e AMC-së
Pas çdo hapi drejt një të ardhme më të shëndetshme për nënat dhe fëmijët qëndron dikush që ka pasur guximin dhe përkushtimin për të bërë ndryshim. Çmimet e AMC-së nderojnë njerëzit që, me guximin, përkushtimin dhe udhëheqjen e tyre, kanë lënë gjurmë të pashlyeshme në rrugëtimin tonë.
Çmimi për Kontribut Jetësor
Vlerësimi më i lartë i AMC-së i dedikohet individëve që me përkushtimin, udhëheqjen dhe vizionin e tyre gjatë gjithë jetës kanë ndikuar në misionin e AMC-së dhe kanë kontribuar ndjeshëm në zhvillimin e programeve për shëndetin e nënës dhe fëmijës në Kosovë dhe më gjerë, në sektorë të ndryshëm, përfshirë shëndetësinë.
Kampion për Nënat dhe Fëmijët
Vlerëson individë të jashtëzakonshëm që, përmes përkushtimit dhe avokimit të vazhdueshëm, kanë luajtur rol kyç në përmirësimin e mirëqenies së nënave dhe fëmijëve në Kosovë – qoftë nëpërmjet shëndetësisë, edukimit, politikave apo angazhimit në komunitet.
Çmimi i Guximit
Feston rezistencën e jashtëzakonshme të fëmijëve dhe familjeve që përballen me sfida të mëdha shëndetësore. Ky çmim nderon forcën, dinjitetin dhe aftësinë e tyre për të frymëzuar të tjerët përmes shpresës dhe qëndrueshmërisë.