Në Zyrën për Mbrojtje dhe Ndihmë të Viktimave (ZMNV) u dhuruan donacion 6 llaptopë me vlerë 3,780 euro nga Action for Mothers and Children
10.12.2021
Pas trajnimeve të punonjësve shëndetësorë dhe stafit të linjave që pranojnë raportimet e dhunës në Zyrën për Mbrojtje dhe Ndihmë të Viktimave, vazhduam sot me mbështetjen për këtë institucion duke dhuruar donacion gjashtë laptopë në vlerë 3,780 euro, të cilët do të përdoren për regjistrimin e rasteve dhe mirëmbajtjen e databazave. Me këtë donacion, i cili erdhi si nevojë për të rritur intenzitetin e punës së palodhshme në Zyrën për Mbrojtje dhe Ndihmë të Viktimave (ZMNV), e përmbyllëm edhe simbolikisht përfundimin e fushatës ”16 Ditët e Aktivizmit Kundër Dhunës me Baza Gjinore”, fushatë kjo e cila shënohet çdo vit.
Ky donacion u dhurua në kuadër të projektit që adreson dhunën në baza gjinore i mbështetur nga Fondi Kanadez për Inicitativa Lokale (CFLI) si dhe falë fondeve të ngritura së bashku me Iniciativën për Komunitet të punëtorëve të Bankës Evropiane për Rindërtim dhe Zhvillim (BERZH).